文章分類: 感 (逸經一人)

在大學是為了學什麼?

kaky_tai — Sun, 08 Nov 2009 12:04:54 +0800

在高考後參加一個admmision talk時曾聽過一個教授講，你們預期大學這三年會學到什麼？真的只有是對本科更深入的認識？錯了，大部分人畢業後的職業都是與他在大學所讀的科目沒有關係的，那究竟是學到什麼？就是個人獨立的思考和解決困難的能力。曾經懷疑過經濟到底適不適合我，因為數學於我而言實不是洪水，就是猛獸，於是和上天作了一場賭注，如果高考經濟有C或以上我就捨棄地理而選經濟，結果經濟還是包拗頸地拿了C。

現在回想起教授那句話，看來經濟還是比較適合我，因為有太多的挑戰其實地理是沒法能給我的，沒錯讀地理既話我可能真係書都唔洗點溫，日日打機都得(按：其實你而家都好似日日係度打機喎...)，但係諗番上黎我依幾年既路好似平坦左少少。選地理會否使我在教授所提到的那些能力原地踏步呢？我不知道，但我確切感覺得到在這2個月我那些能力真是有了點點的進步。

前面還有好多挑戰，下學期的MATHSII，STAT，YR2的INMIC，INMAC。對理科的人可能覺得根本不是一回事，有時我真係覺得佢地好幸福，唔洗點溫就攞到好成績。相反我就要花時間看看。。。

望著那份數學NOTES，我看到了三年後的我！我連由細到大最怕的洪水猛獸都可以征服之，還有什麼難到我呢？我彷彿頓悟到教授所講的話：在大學的三年中能增強獨立思考和解決困難的能力，是最幸福的。

再望望我的旅遊日記，大穫！聖誕節都就黎到，我先寫到第三日。。。目標是最遲聖誕節無論如何都要完成。

認識新的網絡秩序

kaky_tai — Fri, 25 Sep 2009 12:27:54 +0800

趙燕萍事件使我對網絡有了一個新的認識，自從BBS，newsgroup到forum，想表達自己的看法，意見變得愈來愈容易，加上youtube，facebook的出現，要把任何想分享的事都可以彈指間傳到互聯網。有人擔心此會使新生代認為在互聯網發表的東西不需負責，進而胡作非為。的確它出現了，而且不是個別事件，可幸網民有強大的力量，例如起底，反串，爆粗云云，形成一種對欲求出位的人的一種無形阻嚇，否則想必有更多更多的這類人出現。這種以毒攻毒的解決方法雖不是完美，但總比立法監控有效多了。說到底，還是靠自覺吧！

高中時期(F.4-F.5)的同學

kaky_tai — Tue, 28 Jul 2009 18:33:00 +0800

無意中找到一個有趣的post，愈看愈上癮，描述得有點兒似曾相識，還幸他們的"下場"不太理想，總算一消心頭怒火原來那些人還不算小眾。。。。

轉自discuss hk
主題 : 唉...灰(有感而發不喜勿插)

hahafire2000: 唉自從放榜之後 d人開始唔同左距離開始遠左
尤其有個成績稍為高少少既例如自己持住有2個b入CU
講d野句句有骨我走去讀asso又比佢睇唔起跟本唔信asso升degree
最慘既係佢有好多好基本日常生活知識都唔知自己遲到又係理所當然
其實唔係想講d咩野但咁樣既做人處事態度真係.........
如果人好又高分我服
但係咁串既.........我唔太喜歡高分低能囉

小小卡比: 其實我既例子係岩岩相反
我讀中五既學校殺校（ｂａｎｄ３）
我係全班唯一一個轉左去一個ｂａｎｄ２學校既人
其他朋友都轉左去ｂａｎｄ３學校升中六（當然有好多人升唔到　但升唔到既可以不理）
自始，去左ｂａｎｄ３學校的某一兩個人，成日都話
「叻啦～你果間學校咁好　同我地邊有得比」
最令我氣愩既就係同佢地傾題目，話比佢地知錯左咩，就會搬返同一句野出黎「叻啦～你果間學校咁好，同我地邊有得比」
我自問態度好好，絕對無串人。
所以，佢地講多一兩次之後，我都無再理佢地，由得佢地做錯算。

小婷-v-: 樓主..我同你個CASE剛好相反
自從出左成績...有D同學成績唔好入唔到DEGREE
見親面就算我冇講野都好似我踩親佢條尾
講野都係明串暗串
那時候真的看清楚了...以後不再見面!!
我想借你個POST發洩一下!
別人成績好不是1朝1夕的事...
看不到別人背後的努力不代表人地只靠好運而高分...
總之!自己考出來的成績只有自己可以批評

figogo_3917: 唉...果d人自己諗埋一面
我地完全冇諗過要串
但心理當左我地係衰人....

小婷-v-: 係-.-...我好同意你..
我仲記得個日成班FD1齊出黎(剛剛好是AL後2天)...
見面第1句就開始串人
之後頂唔順我跟另1個朋友走先!!

figogo_3917: 憎人富貴厭人窮
放榜都係
有人憎人成績好
有人踩人地成績差
如果朋友間能衝突lee個思考障礙
果d先係真正既朋友呢

小小卡比: 補充一下上文先再說下文。
我同其他舊同學讀的科目大致相同(我讀中史歷史地理佢地只係讀歷史地理)
由於舊同學沒有ｎｏｔｅｓ（歷史科），只是用什麼＜＜近代中國史＞＞
所以，在中六開學不久我將學校用的ｎｏｔｅｓ借了給一個舊同學（呢個ｆｄ底　叫Ｚ）影印（其實我都預左會比埋其他舊同學影，雖然有ｄ人把口唔好，但係我唔太介意）
大約過了兩星期，行街遇著班舊同學放學（我走左下午堂）
　　　Ａ：你份ｎｏｔｅｓ廢既
小小卡比：吓！？
　　　Ｂ：我寫返你本ｎｏｔｅｓ既野落去，呀ｓｉｒ話我地背ｎｏｔｅｓ，唔用自己文字，所以比低分我地。
小小卡比：唔係下嘩！？咁都唔得，我係學校背返都無事喎。
過左幾日，係某個自修室我撞到個舊同學。
小小卡比：借你份測驗卷黎睇下，睇下點解會咁。
　　　Ｃ：唔使啦，同你學校邊有得比姐。
由呢次開始，我以後無再理佢地既學習情況。

蠢人....也太蠢了吧！

kaky_tai — Wed, 15 Jul 2009 17:09:25 +0800

最近發覺自己愈來愈憎蠢人...大家千祁唔好對號入座^^
我所指的蠢人不是指讀書不好，講極都唔明，有時做D好低B既野個D，我也是這樣-v- 這些是可愛的...不會用上"憎"字。而蠢人是指那些在對自己或別人毫無好處的情況下，不懂世故，以自我為中心，無諗過，甚至無理會實際情況，事實就對別人的想法諸多意見，有時又會羊群心理，指著事實說它是大話，也沒經過自己的思考。讓這些人做次決定，結果決定錯了，第二次，第三次。。。錯的時候還擺著一副堂堂正正的樣子，認為別人之前是認同他的決定。以為他會反思一下碰釘的原因，結果只是再次傷了我的心。
這個情況下，誰也會激動吧！
科學上的愚蠢是指IQ稍低，這些或許能多猜幾條IQ題來改善一下。然而處事上的愚蠢卻難以改善，因為這是一個人過去一切的累積，就像火山灰一樣冷卻，凝固，要改也比較困難。
那個人不會知道是說他的，因為這些字的意思對他來說已苦澀難懂。

AL總結

kaky_tai — Fri, 26 Jun 2009 14:47:41 +0800

番黎睇yahoo news 知道米高積遜死左....真係估唔到...
臨近放榜....PETER講左幾句之後而家搞到好唔緊張= =....真係豁達...
這次又像會考那時一樣整個總結先....
算過估計最差應該會是(E,D,C,D,E），
最好是（D,C,B,B,D)。

今次高考應該總結係咁：
最有信心：地理
最冇信心：文學‧經濟(都係...)
最想攞B：經濟‧地理
最想攞C：文學‧中文
最想攞D：英文

當埋許願版啦下.....my lucky blog.....祝我如願以債吧！

Facebook的奇妙

kaky_tai — Mon, 20 Apr 2009 18:51:57 +0800

仲有一科就完啦哈哈~
當然唔計oral同埋IELTS啦....
文學作文, 還可以吧
問答?!hkeaa都唔知係咪玩野= =
拿到份卷之後hand左2個字機,搞到後面趕到暈
出左9扁課文...我選的題目要答6扁= =
真係估佢唔到. . .

又係讚facebook既時候啦,佢又真係幾好用,
不過我都仲係唔係好識用...
最近俾我搵到原來有個群組(定組織)既留言版
就緊係拿拿林入去留個大名啦~
係入面見到好多好多好熟既名..
就情不自禁禁係咁add..
如果要就咁睇真係估餐朦= =
有d人真係變左好多,
但係有d人真係冇變過.
準確d黎講,大部份既男仔我都認得.
而大部份既女仔都唔認得..

我係入面見到李曉恩..
我記得個時同過佢同位,但係佢小四之後就走左,
就諗住add下佢睇下佢記唔記得,
其實....真係十年前..同佢只係2個月同桌,
都冇諗住佢會記得架啦...點知佢記得既野竟然
仲多個我= = 我只係記得同過佢同位,同埋一齊玩咁大把.
而佢竟然仲記得我地一齊偷去中學部...

依幾日我諗左好耐,但好像怎樣想也記不起這伴事...
不知怎麼,就是有點內疚..但也要在facebook上回覆她,
又想了很久..無理由說"對不起,我忘了"吧...

區區50字,想不到是這樣難諗,要想既野好多,
要佢感覺唔到我唔記得,或者係扮記得,
這50字,俾文學的片段還要難寫...

或者是她有寫日記,
或者是我當年做得太多頑皮的事,記不得那瑣事,
或者. . .

這也是facebook可愛的地方

還好....

kaky_tai — Sat, 11 Apr 2009 12:46:12 +0800

econ 諗住今次炒緊.
由祁係paper 2, 如果MC衰左就好danger架啦。
今日突然鼓起勇氣,去左遵理個網對mc...結果.....
卷一26/30, 卷二24/28 。
overall每份卷已經袋穩34/100,
長問題如果出力正常就應該問題不大了。
又是時候溫文學了. . .

真係有遠見

kaky_tai — Sat, 28 Mar 2009 15:11:46 +0800

owen真係犀利,個句"奇人異士奇多"
哈...估唔到咁有深度.
你係得既!

想多了...

kaky_tai — Sat, 21 Mar 2009 23:41:01 +0800

還是別想太多, 頭腦還是簡單點好= =
心境開朗 + 一定實力 + 小小運氣 =Success

想了想, 勝利從來都係咁簡單.

為中學生涯作總結

kaky_tai — Sun, 01 Mar 2009 12:13:42 +0800

在香島讀左7年,回想起來,總沒有白過
小學成績差,本抱著鄙視的心態黎香島,就連個份入
學試我冇記錯都係亂填ga.. 炳sir in我個時問我覺得我有咩
可以值得佢地收我,我就話我打乒乓波好勁嫁.
咁都入到黎..hah真係唔知講咩好.

咁中一個時都係同d普通既中一仔
冇咩分別,一小息就去打波. 打打下就識左馮sir,
入左校隊. 個時真係成日都打,由其係中二三個時
入埋區隊,學校打完就去石公打...到中三終於攞左第一個
公開賽既獎,同到徐傑峰一齊,都係攞到呢個獎既原因之一,
有依個大師兄係度,個心都定d.
佢阿爸同我講,徐傑峰走左之後香島既乒乓球就靠你嫁啦,
其實我時時都記住依句話,去到中四個時,拉埋owen同
duck打學界, 我地真係出盡力打嫁啦,不過狀態既野真係難
講,決賽開始對次名就輸左= = 我就諗住中五冇得打,
中六七又未必讀到,唔通真係同依個獎絕緣?!

去到中六,有好多估唔到既野得到,學業方面拿了獎學金,
傑出學生,經濟學會會長,這些都是會考的餘風. 而在乒乓球
方面, duck同我同其他既再度顆拍打學界,當中不少的努力
,汗水,終於拿了學界冠軍,好多謝佢中五都同我一齊打,使
我這個夢想得以成真~而且這個獎亦有大半個是你的
我最尾個場抽筋打唔到,變打第三,你就代我打第一,還有超水準
的表現,你同我講唔會令我因此遺憾,依句真係好warm~
就連贏左我都幾乎不敢相信. . .你係得既
攞左依個獎,我可以大聲講我對得住香島,亦無令你們失望~

最後,係中七惜別會彈到我地最愛樂隊既歌, 亦完結了最後在
香島的心願,多謝朱浩琪小朋友(應該search到嫁啦),同埋走左都
番黎既samuelKHY , we made our dream come true!!

希望高考的成績能為我的中學生活作一個完美的句號.

中七了+ 惜別會 - 真的愛你

kaky_tai — Sat, 28 Feb 2009 13:43:41 +0800

眨眼便中七了,捨不得的是學校,老師
總之都係千言萬語說不盡啦
校長個堂個個都俾佢攪到哭
我有冇?!問下PETER啦...
星期二個惜別會,真的愛你solo開頭撻左q
好采都保得番,連william都聽唔到我撻
幸運,幸運!
希望啊sir快D擺埋光輝歲月啦
總體黎講,今次算唔錯嫁啦

我要capture A !!

kaky_tai — Sat, 31 Jan 2009 22:36:19 +0800

成功報左kk個intensive...
因為有入學試,4題mc要中2題先有資格有佢個個保證abc計劃
做個時真係驚心動魄,幾驚2題都岩唔到,咁就要報capture C= =
仲好樣衰,好彩都岩曬...whatsoever
capture a~千五蚊~我黎啦

叱吒 903 頒獎典禮

kaky_tai — Sun, 11 Jan 2009 19:58:49 +0800

個人認為叱吒係最好既頒獎典禮, 起碼最fair,
勁歌金曲....胡杏兒都有得攞...o...
專業推介ma~
eason唱喜歡你,扮家駒扮得好搞笑= =

報左econ,竟然.....

kaky_tai — Thu, 21 Aug 2008 15:40:08 +0800

係傳單入面搵到自己個名出黎,好不光采
俾左我好大o既推動力,下年我都要係咁先!!!

對香港某部份電視台奧運主持之感...慨

kaky_tai — Sat, 16 Aug 2008 13:46:26 +0800

夏雨慘不忍睹
此外，身為奧運迷的「 Joe 鮑」夏雨，原抱興奮心情睇賽事，卻因奧運主持不專業，只懂說廢話，令他慘不忍睹。他說：「撇開一些專業評述員，其他主持好似完全唔熟運動，大部分表現好唔專業，佢地應該事前惡補知識或做足功課，搞到依家淨係識講『好緊張呀！』呢 d 無建設性廢話，連中國運動員背景都唔背熟，人地出場讀個名都讀到『甩甩咳咳』，真係慘不忍睹。呢個係專業節目，希望佢地檢討下。之前有高層問我做唔做奧運主持，因知我幾熟運動知識，但因撞正拍劇配合唔到，如果我做一定唔會差。」

依幾日睇奧運.....愈來愈覺得d主持完全唔掂,原本以為係自己國家搞,實花好多
時間Prepare,點知差唔多個個主持都係冇野搵野黎講,成個直播唔知搞到似咩
....好似去左棟篤笑咁 (情況係接到投訴後有些改進) 不過又諗深一層,有Demand
先會有Supply o既.....